Gundheim in Platt
23.01.2023: zur Fassenacht
| Ein dreifach donnerndes „H E L A U“, wo isse dann, die „NARRE – SCHAU? |
|||
| 1) | Habt ihr`s gemerkt, ihr liebe Leit, es iss schunn widder Fassnachts-Zeit. net nur deham – aach uff de Stross, do geht`s an Fassnacht richtisch los! |
4) | En Kräppel – Kaffee fer Kinner, den gibt`s jo noch, der TSV Gundem, der lebe hoch !!! un aach die Hering, der MGV macht net schlapp, zum Absetze vunn de Gundemer Narrekapp !!! |
| 2) | In Weschthoffe, unn Owerum, do sinn die Narre gar net dumm. die losse dort die Wutz eraus, in Gundem sieht dess anerscht aus |
5) | Korzum, ich will`s net übertreibe, mir könnte doch gut un gern „Fassnacht – treibe“ : die Seniore, die Männer, un wer sunnscht noch will, mir gucke doch gern durch dem Narre soi Brill: |
| 3) | Vielleischt, dess wär en riese – Spass, dut sich in Gundem widder was?? Vereins - Vertreter all zusamme, do bebt die Hall in Jokus Name! |
„ H E L A U “ Eiern Peder |
20.02.2022: Die Gundheimer Fastnacht
| 1) | DIE GUNDEMER FASSNACHT, DREI MAL HOCH UND HELAU DIESES JOHR MOL AM BILDSCHIRM -- DENN DIE GUNDMER SIN SCHLAU! |
7) | JA, DIE GUNDEMER FASSNACHT, DIE SCHEINT OFACH WIE DOT, SEIT ZWOO JOHR NIX ZE SEHE -- NIEMAND WAS DEVUN HOT! |
| 2) | JA; MIR TROTZE CORONA, UN MIR BLEIBE DEHAAM HOME OFFICR -- HOME SCHOOLING -- WER DO NET LACHT IS ARM! |
8) | BEI GENAUEREM HINSEH IHR NARRE, GIBT`S DOVOR VIEL BEWEISE, DIE GUNDEMER FASSNACHT IS HALT OIGESCHLOOF -- UN ICH FIND DES HALT SCH…ADE:HELAU |
| 3) | MIR BRAUCHE KOO KAPP, KOO KOSTÜM MACHT DIR E PROBLEM, MIR HOCKE IM SCHLOFOZUCH VORM FERNSEH -- FASSNACHT EMOL GANZ BEQUEM! |
9) | AACH DIE FASSNACHT DEHAM, NET UFF DE GASS, UN NET IN DE HALL, DIE KANNSCHT DU GRAD IN DE PEIFF RAACHE -- ICH GLAAB DESS SAGE MIR ALL! |
| 4) | DASS NIEMAND SICH ERRT, ICH SAG´S MOL GANZ EHRLICH WER NIE UFF DIE GASS GEHT -- LEBT IM DORF ECHT GEFÄHRLICH! |
10) | DO SÄÄCHT NEILISCH MOIN NOCHBER: „PETER, HAUPTSACH GESUND“ NAA; DOO KANN ISCH NET LACHE -- NAA, DOO HALT ISCH MOIN MUND! |
| 5) | IS DE NOCHBER MOL KRANK, ODER ISSER GRAD GENESE? MER SIHT EN HALT NET -- BEI DE FASSNACHTS- POLONÄSE! |
11) | ISCH BIN JETZT FERDISCH IHR LEIT, HABB GENUUCH ERUMMGEBABBELT, EER LESEN HALT, WIE`S GEHT, -- WENN SICH EN NARR FER EN VORDRAACH UFFGERAPPELT! |
| 6) | WOHIN MIT DE KONFETTI, UN DE ALTE LUFTSCHLANG? DIE KANNSCHT DU GRAD VERBRENNE __ WAS WILLSCHTEN DANN MIT OFANGE? |
01.09.2021: Alla Fort!
| Heit Moin, kumm ich net so richtisch in de Dag. Die Nnacht,steckt noch lähmend in meine Glieder. Ich such en Grund, die Aache uff zu mache, abber mir fäält nix gescheites ei. Was is bloos los mit mir, ich hab doch nix gedroomt, was mich gefange hält, un trotzdem fühl ich mich wie gefesselt! Ich glaab, wann ich mol genauer hie guck, dann sin des all die viele Verwundunge un Schmerze in meim Lebe; genauso, wie die ungelebte Jubel- Schreie über des Gelungene, die mein Schloof ofach net reingewäsche hot! Ja! , Alla Gut, des Maß vum Erträgliche is jetzt voll erreicht, un ich hab Grund genug, um heit wieder uff zu stehe: Weg damit, es macht koon Sinn zu lamentiere un weiter drübber nochzudenke: de Schnee vun geschtern is längscht uffgedaat, odder wie mir Rheihesse saan: was hinnerm Plugg leit is gezackert! Auf dann, es geht weiter. Alla Fort, Steih uff, un leb die Lebe, mit allem, was dezugehört. |
20.05.2021: Am Friehe Moin
| Duschte Moins die Aa uffmache, denkschte gleich an viele Sache. Denkscht an Mensche, die der lieb, an Abbeit, die Geschtern liege blieb. Denkscht, was duschden Heit mol esse, denkscht un denkscht, willscht nix vergesse. Denkscht an Freunde un Bekannte, denkscht an Gesunde un an Kranke, denkscht an dies un denkscht an das, denkscht an de Hans vunn de Obergass. Du denkscht an Dausend wichtsche Sache, die Du all willscht Heit noch mache, denkscht debei, dess schaff ich net, bleibscht am Beschte grad im Bett! Denkschte aber ich könnt`s packe, Schritt fer Schritt, wie`s Riebe hacke, oons nom annern, wie mer seet unn wie mer Klees ist, gar net bleed, Dann stei halt uff un füll Die Zeit, Such noch de bescht Gelegenheit, Wo Du die dann das kannscht due Zeit zum Schaffe, Zeit zum Ruhe. Dann bischt Du selbscht Doi beschtes Stück Un willscht gar net meh ins Bett zurück. Dann scheinen am Himmel siebbe Sunne, Weil Du Doin „Schwein“ hoscht überwunne, Jetzt denkscht Du nemmer oder doch, im herz iss GottSeiDank koo Loch, Un all dess was Dir heit bassiert leeft wie am Schnürsche, wie geschmiert, sogar zum Dichte hoscht Du Zeit……… Es Leebe iss doch schee Ihr Leit !!! |
15.04.2021: Ein Augenblick - Der Kuss
| Manchmol sitz ich erum Such en Ausweg, wie dumm |
Dann kimmscht Du noch doher Mir fällt`s aloo doch schunn schwer |
| Dreh mich um, danz im Kreis Schick e mail uff die Reis |
Doch mit Dir jetzt debei Find ich wiidder mei Reih |
| Waas net ein un net aus Zieh mei Kraft do enaus |
Gott sei Dank jetzt en Kuss Un ich spür, was ich muss Ja, ich halt mich an der fescht Ich glaab, des gibt mer de Rescht, Un ich merk, des dut gut, fühl mei Kraft, Lebensmut |
| Kumm mer vor, ich wär bleed Hab koon Plan wo`s lang geht |
Es Leebe fängt alleweil widder o, Ja, ich bin widder do War so korz vor em Schluss, was e wunner so en Kuss Ja, nur oon AUGE- BLICK, holt ins Leebe mich zurück! |
13.04.2021: Manchmol
| Manchmol such ich moi Ruh, Mach die Deere all zu, Bin dann net richtisch wach, un net ganz bei de Sach. |
Schreib un Sing, was ich denk, Mach mich selbscht zu Geschenk, un Du kimmscht dann dezu, Schenkscht mer Frie un die Ruh. |
| Brauch nur Abschtand un Ruh, Krieh die Deer net rescht zu, Alles drickt wie verrickt, Hinne un vorne es zwickt. |
Alles is jetzt echt klor, Was ich schreib is aach wohr, Mein Himmel is „Sonnenklar“, Ich fühl mich wunderbar. |
| Ich brauch Freiraum un Platz, such Daach un Nachts noch meim Schatz, Geh noch inne moin Weg, Wenn mein „Auußenfühler“ sich regt, Loß die fünf grade sein, bin am Liebschte Daheim. |
Hätt ich des net geschribb, wär ich zappelisch geblibb, un so isses jetzt gut, was des Schreibe mir tut. |
03.04.2021: Ich hab koo Ahnung
(Für Marcus zum Entkommen aus dem Frust, Peter Schreiber 4/21)
| Manchmol laaf ich dorum Un ich frooch mich: WARUM Alles is wie es is Alles war, wie es war, bleed un aach wunderbar |
Vor viel Fruscht anschtatt Luscht, un die Luft un die Erd un des Wasser, wie`s wird…… Gibt`s bald Krieg, weschem Esse, Kannscht de Urlaub vergesse, Überall isses trucke Soll de Flüchtling sich ducke--- |
| Un wie`s weitergeh`n soll, vielleischt nemmer so doll, Mit uns all uff de Welt Wie des mol kumme wird Un was alles noch kimmt— Net mit mir? |
Es is ofach nix do O Mensch, wie werscht Du froh. Herscht die Vöchel, die singe, könnt`s aach Dir bloß gelinge: Leg e Ei in doi Nescht Des is noch es allerbescht! Jedes Ei seht annerscht aus, Brüht Dir was Liebes daraus. |
| Un wie`s weitergeh`n soll, vielleischt nemmer so doll, Mit uns all uff de Welt Wie des mol kumme wird Un was alles noch kimmt— Net mit mir? |
03.04.2021: Die Muse
| Ganz früh moins, daham im Bett Will se mit mir Schmuse Streichelt mir mein Herz, mein Kopp Mich besucht die Muse. |
So passiert`s, dass ich am Schluss |
| Zuerst, do merk ich gar net viel Nur so e schwammisch Wortgefühl Kimmt se näher un bleibt do Reimt un Dicht se, macht mich froh |
Die Muse kammer gar net mache, Die Muse kimmt, wie annern Sache, die mer net bezahle kann, doch dankbar nemm ich sie heit an ! |
10.01.2021: Whoinachte dehaam
|
Gell, dess Whoinachte war schee,
|
De Boam de hot geschtanne,
|
Vater Unser uff Gundemer Platt
Unser aller Baba im Himmel
Doin Nome is heilisch
Doi Reich soll kumme, un was
Du willscht soll aach geschehe:
In Doim Himmel, un aach
bei uns uff de Erd.
Bitte, geb uns jeden Daach was zu esse,
un wann mer emol Schuld uff
uns gelade ham,
dann losses wider gut soi,
So wie mir es aach bei de Annere
gut soi losse!
Un bass uff, dass mer net
falsche Gödder nochlaafen,
un nemm endlich des ganze böse
Zeisch vunn uns,
un erlös uns vun de „Corona-Vire“
Amen